最愛羅漢果茶
是日立冬，雖然日間仲係好熱，但天氣明顯乾燥咗，早上起床會特別覺得口乾。
工作關係，經常要不停說話，如果知道邊幾日會特別忙，或者有拍攝或訪問工作，一定會預先煲定羅漢果水潤喉。
羅漢果水真係化痰潤喉救星，而且益處多，首先，亦係最重要，價錢十分經濟實惠。當我好開心買到$4一個羅漢果，我工人姐姐話佢買到$10三個🤣。
我屋企人多，通常每次煲幾個，煲一大煲，全家一齊分享飲，難得連我啲小朋友都肯飲 （因為小朋友通常唔肯飲深色或黑色嘅嘢）。
羅漢果可以就咁煲水，或者加無花果、陳皮、夏枯草、菊花等，有不同養生功效和味道。
羅漢果另外一個好處是沒有卡路里，雖然佢有甜味，但係身體不能吸收，所以它的升糖指數是0。
對於必須要控制血糖，或需要體重管理的人士，可以用羅漢果代糖代替平時的白糖，亦對身體沒有副作用和負擔。
用呢個樽裝羅漢果水飲，特別好味。
#嗰樽先係主角 🥰
#羅漢果 #羅漢果茶
#化痰潤喉
#營養師 #Nutritionist #AnnieLee
Search